Ditën e sotme, një numër portalesh të lidhura ngushtësisht me opozitën kanë publikuar një lajm, ku lajmërojnë se Prokuroria e Katanis ka mbyllur hetimet për “dosjen Habilaj”, por ama vazhdon hetimet për ish-ministrin e Brendshëm, Sajmir Tahiri.
Këto portale citojnë edhe burimin e lajmit, një portal i quajtur “Meriodionews.it”, i sapo krijuar, pa asnjë të dhënë për një të shkuar në rrjet sipas faqes së specializuar të rankimeve, “Alexa”.
Megjithatë, ndonëse ky portal anonim nuk mund të jetë një burim i besueshëm informacioni, portalet tona nuk bëjnë as gjënë më të thjeshtë, që ta citojnë atë në mënyrë korrekte.
Në brendësi të lajmit, paragrafi i përzgjedhur në këtë foto, thotë shprehimisht se “emri i Tahirit nuk rezulton midis të hetuarve” (Il nome di Tahiri non risulta tra gli indagati).
Megjithatë, portalet tona, sipas provës së bashkangjitur denoncojnë ditën e sotme se “mbyllet dosja, por vazhdojnë hetimet për Tahirin”. Diçka krejtësisht e pavërtetë, por e dobishme për opozitën për të mbështetur retorikën e saj, sidomos të nesërmen e protestave për zgjedhjen e Prokurores së Përgjithshme, Arta Marku. /Lexo.al
