Strategjia e ndjekur nga Partia Demokratike për të bllokuar punën e Komisioneve Parlamentare, ka detyruar Partinë Socialiste të kundërpërgjigjet.
Kryetari i Grupit Parlamentar të Partisë Socialiste, Taulant Balla, ka mbledhur deputetët e Komisionit të Ekonomisë dhe Shëndetësisë për të diskutuar mbi këtë çështje dhe për të konkluduar në një qëndrim për të vijuar punimet normale të komisioneve parlamentare.
Balla nëpërmjet një postimi në rrjetin social facebook ka njoftuar se ka rifilluar puna normale në Komisioni për Edukimin dhe Mjetet e Informimit Publik, pas dështimit të deputetëve të shpërdoruar të Lulit dhe Saliut.
“Rifillon punën normale Komisioni për Edukimin dhe Mjetet e Informimit Publik, pas dështimit të deputetëve të shpërdoruar të Lulit dhe Saliut, në përpjekjen donkishoteske për të dëmtuar Shqipërinë në rrugën e hapjes së negociatave me BE.” shkruan Balla.
