Ka startuar mbrëmja e fundit për 4 grupe të “Champions League” të cilët sonte do të japin verdiktin final se kush do të ketë mundësinë për të kaluar në fazën me eliminim direkt.
Në grupin A asnjë nga skuadrat ende matematikisht nuk e ka të sigurtë kualifikimin, por për të lënë jashtë Manchester United duhet një kombinim i ‘çmendur’, ndërsa Bazelit të Xhakës i duhet një fitore ndaj Benfikës për të mos u varur nga rezultati i ndeshjes tjetër.
Në grupin B dy skuadra, Paris SG dhe Bayern Mynchen e kanë të siguruar kualifikimin, ndërsa Celtic me shumë mundësi do të vijojë aventurën në “Europa League”. Anderlecht nuk ka asnjë pikë pas 5 takimesh dhe sonte do të tentojë t’a bëjë sefte ndaj të vetmit kundërshtar të lehtë në letër.
Në grupin C mbetet gjithçka për t’u sqaruar në dy përballjet e sotme. Me një këmbë drejt 16-s është Chelsea dhe Roma. Të vetmit që rrezikojnë janë italianët të cilët në rast fitoreje ndaj Qarabag nuk u intereson rezultati në përballjen Chelsea-At. Madrid.
Në grupin C Barcelona luan me statusin e të kualifikuarës kundër Sporting, ndërsa Juventus që është plus +1 nga portugezët ‘luan me zjarrin’ kundër Olympiakosit. Italianët për të qenë të qetë duhet të mbyllin hesapet me një fitore ndaj grekëve, por në rastin më të keq mund të kualifikohen edhe nëse humbasin, nëqoftëse Sporting humb apo barazon kundër spanjollëve.
Rezultatet Live
AS Roma 1 – 0 Qarabag
Barcelona 2– 0 Sporting
Bayern Munich 3 – 1 Paris SG
Benfica 0 – 2 Basel
Celtic 0 – 1 Anderlecht
Chelsea 1 – 1 Atl. Madrid
Manchester United 2 – 1 CSKA Moscow
Olympiakos Piraeus 0 – 12Juventus