“Darka e Fundit” sipas fesë së krishterë, është darka që Jezu Krishti kishte shtruar për rrethin e tij të ngushtë të apostujve, përpara kryqëzimit.
Për shkak të simbolikës së jashtëzakonshme që bart, ajo ka frymëzuar disa nga kryeveprat e artit botëror. Leonardo da Vinçi u frymëzua prej saj në vitin 1498, për të realizuar një nga kryeveprat e tij. “Darka e Fundit” ruhet në “Santa Maria delle Grazie” në Milano.
Pakkush e di që plot 36 vjet përpara mjeshtrit të madh të Rilindjes Europiane, darka historike, ishte pikturuar në tokën shqiptare.
“Darka e Fundit” është afresku i kishës së Shën Venerandës, ose siç njihet ndryshe kisha Shna Prendës, (Shën Premtes) në Balldre.
Kisha është shpallur Monument Kulture i kategorisë së parë (1984) sipas mbishkrimit që ruhet mbi dritaren e absidës, është ndërtuar në vitin 1462.
Ky fakt, i jep një vlerë të jashtëzakonshme pikturës murale që ndodhet në Lezhë, e cila nëse do menaxhohet siç duhet, mund të shndërrohet në një nga destinacionet më unikale të turizmit kulturor në Shqipëri.
RETROSPEKTIVE/ Leonardo da Vinçi e “kopjoi” kryeveprën nga kisha e Balldrenit
