Kjo që shihni këtu, është një foto krejt e pafajshme. I vetmi merak i të gjithëve që kanë pozuar aty, me sa duket, ishte që të dilnin sëbashku në të njëjtën fotografi.
E para, sepse një shekull më parë të dalurit në foto ishte diçka shumë e rrallë, e me siguri që përjetohej si një moment i shënuar në jetën e gjithësecilit.
E dyta, ai që e ka realizuar këtë, është mjeshtri i shquar i fotografisë, Dhimitër Kristo Vangjeli.
Si rrallëkush, ai nuk kishte një studio fotografike si Marubët e Shkodrës, por ishte një fotograf shëtitës. Me aparatin e tij, shkonte vetë në kërkim të klientëve nëpër fshatrat e Kolonjës, në njërën prej të cilëve është fiksuar edhe kjo pamje e jashtëzakonshme.
E parë në kontekstin e këtyre ditëve, kur Shqipëria u trondit nga lëkundjet e forta, duket sikur kemi të bëjmë me një lloj testi njerëzore, për të provuar rezistencën e godinave të banimit, ndaj tërmeteve.
Në realitet, asgjë nuk është ashtu siç mund të na duket sot. Është thjeshtë një foto unikale.
/Marrë nga Alfred Pez@, blogu personal