Këto skica kanë dalë nga Arkivi Qëndror Teknik i Ndërtimit, si një dëshmi autentike, e ngjizjes së njërës prej godinave më ikonike të Shqipërisë së shekullit të kaluar.
Janë vizatime me laps të bëra nga projektues italianë të godinës në majën e kodrës që dominon qytetin e Durrësit, të cilat i përkasin vitit 1928.
Nga mënyra sesi janë hedhur në letër të krijojnë përshtypjen se kemi të bëjmë me skicë idetë e para, të cilat më pas u jetësuan në ndërtimin e vilës madhështore.
Kjo godinë pas pushtimit italian të Shqipërisë më 7 prill 1939, i shërbeu komandave të trupave të pushtimit dhe në periudhën e komunzimit, si një rezidencë e pritjeve qeveritare.
Pas 1990 nisi procesi i privatizimit për tiu rikthyer familjes Mbretërore, por në vitin 1997 u shkatërrua vandalisht duke iu plaçkitur barbarisht gati të gjitha objektet dhe sendet me vlerë.
Këto skica mbeten kujtim interesant i një ndërtimi që duket se e ka të pamundur rikthimin në identitet.
/Marrë nga Alfred Pez@, blogu personal
