RETROSPEKTIVE/ 10
Kur mbi URËN E TABAKËVE kalonin makinat
Është një nga objektet e veçanta të trashëgimisë së Kulturës së kryeqytetit. Ura e gurtë e me harqe në lagjen e Tabakëve, është ndërtuar në gjysmën e parë të shek. XIX.
Në atë periudhë u ndërtua edhe ura e Terzijve. Ishte periudha kur lumi i Lanës kalonte poshtë tyre. Në fillim të shek. XX Tirana u shpall kryeqytet (1920) dhe u bë qendër e rëndësishme politiko- administrative.
Qyteti u rrit dhe u popullua shpejt. Makinat më luksoze të kohës, filluan që të kalonin nëpër rrugët e saj. Kjo kartolinë i përket kësaj kohe.
Pas Luftës II Botërore, lumi i Lanës u sistemua dhe u devijua për në shtratin e sotëm. Ura e Tavakëve është destinacion turistik dhe simbol i kujtesës së qytetit.
/Marrë nga Alfred Pez@, blogu personal
