*Rubrika: RETROSPEKTIVE
Klementi XI, ose Papa shqiptar
Quhej Gjon Françesk Albani l dhe lindi më 23 korrik 1649 në Urbino, Itali dhe ishte Papa i 243.
U zgjodh në krye të Kishës Katolike më 23 nëntor 1700 dhe e drejtoi atë deri më 19 mars 1721 kur edhe mbylli sytë. Me 21 vite në fron, është Papa i katërt për nga kohëzgjatja, pas Shën Pjetrit me 35 vjet, Papa Piut IX me 31 vjet, Papa Gjon Palit II me 26 vjet.
Familja e tij Albani e ka prejardhjen nga familja fisnike e Mikel Laçit, nga Kurbini. Ai kishte dy djem; Gjergjin dhe Filipin, ish luftëtarë nën urdhrat e Skënderbeut të cilët u vendosën në Urbino pas vdekjes së Heroit Kombëtar.
Gjergji pati dy djem, Altobelin dhe Hanibalin, edhe Altobeli pati dy djem, Oracion e Karlin. Karli është babai i Gjon Franceskut, Papës se ardhshëm.
Papa Pali VI, me 17 janar 1968, me rastin e përkujtimit te 500 vjetorit te vdekjes së Skënderbeut, tha:
“Ndër ata, që hypën mbi katedrën e Shën Pjetrit, me kënaqësi kujtojmë paraardhësin tonë Klementin XI- Albani, i cili mburrej për rrjedhën e tij te moçme shqiptare.”
Biografi francez i Klementit XI- Albani, M. Reoule shkruan:
“Gjon Francesk Albani, qe kishte prejardhje shqiptare, u kujdes posaçërisht për fatin e Kishës në vendin e paraardhësve te tij. Me nismën e tij u mblodh Kuvendi i Ipeshkvinjeve katolike të Ballkanit (14-15 janar 1703). Kjo ishte një fitore e madhe për kulturën dhe kombësinë shqiptare, mbasi që klerikët ishin të paret, që filluan të shkruanin në gjuhën shqipe dhe të krijonin përmendoret e para të letërsisë shqipe.”
Marrë nga Alfred Pez@, blogu personal