Me një arkitekturë të spikatur gotiko- romake, Kisha e Shën Mërisë në Vaun e Dejës, Shkodër, është ndërtuar në shek. XIII. Si shumë objekte unikasle të kultit në Shqipëri, ajo u shkatërrua në vitin 1969 nga regjimi komunist, ndërkohë që ishte në listën e monumenteve të kulturës të mbrojtura nga shteti.
Është kisha ku thuhet se aty mund të ketë vendosur kurorë me bashkëshorten Donika, Heroi ynë Kombëtar, Gjergj Kastriot Skënderbeu.
Ajo ishte në gjendje shumë të mirë deri kur, më 30 Maj 1969, u hodh në erë me dinamit.
Kisha është rindërtuar në afërsi të rrënojave të kishës së vjetër historike, pamja e së cilës është jetësuar, në kartmonedhën 1000 lekëshe të vitit 1996.
/Marrë nga Alfred Pez@, blogu personal