Kujtdo që i bie sot rruga për nga qendra e qytetit të Kavajës, e ka të pamundur që të mos shohë përpara xhamisë së madhe, këto harqe madhështore dhe elegante guri.
Një shekull më parë, vendet rrotull objekteve të kultit në Shqipëri, shërbenin edhe si varreza ku preheshin besimtarët e tyre.
Kjo foto ku duken gurët e varreve, është dëshmi e një realiteti, që ekzistonte edhe nëpër qendrat e qyteteve të tjera të vendit, përfshi kryeqytetin.
Me rikthimin e Zogut në pushtet pas Revolucionit të Qershorit të vitit 1924, varrezat publike u zhvendosën në periferi të qyteteve dhe objektet e kultit brenda zonave urbane, u çliruan nga kjo praktikë.
Në vitin 1967 xhamia u vjetër e Kavajës megjithëse gëzonte statusin e “Monumentit të Kulturës” e mbrojtur nga shteti, u shkatërrua.
Harqet e gurta bashkë me kolonadat mbajtëse u dërguan për tu ekspozuar në Muzeun Arkeologjik të Durrësit, për tu rikthyer sërisht pas vitit 1990 kur u ndërtua edhe xhamia e re e qytetit të Kavajës.
/Marrë nga Alfred Pez@, blogu personal
