Në enciklopedinë greke Pirsos shkruhet se “në Dardhë, fshat shqiptar, u hap shkolla greqisht më 1768-ën”. Plot 150 vjet më pas (1917) u hap edhe shkolla shqipe.
Emri i fshatit lidhet përveç të tjerash, lidhet edhe me botimin e asaj që njihet si kartolina e parë shqiptare. Ajo është prodhuar duke përdorur një foto të Pero Kaçaunit e titulluar Ura e Dardhës dhe që mban vitin 1904.
Me emrin e fshatit Dardhë lidhet edhe historia e turizmit shqiptar ku është promovuar sezoni i parë, i fiksuar në një album me parathënie nga Lasgush Poradeci dhe nën kujdesin e posaçëm të Mbretit Zog I.
Në gjysmën e dytë të shek XVIII me Nikolla Zengon, nisi nga ky fshat tradita e pikturës, që u çua më pas më tej nga Andromaqi dhe Zofia Zengo.
/Marrë nga Alfred Pez@ blogu personal
