“Duaje Atdhenë, si shqiptarët Amerikën!” Kjo batutë vërtetohet me shifrat e aplikimeve për Llotarinë Amerikane. Çka tregon se SHBA mbetet ende një ëndërr e paaritshme për shumë shqiptarë.
Në media ka lajme për heqie vizash amerikane për politikanë, gjyqtarë, prokurorë… E ta mendosh se 100 vjet më parë shqiptarët mund të udhëtonin drejt SHBA pa patur nevojën e paisjes me një vizë si sot.
Shqipëria dënonte shtetasit e vet që paiseshin me pasaporta të një shteti tjetër. Nga ky rregull u përjashtuan vetëm shqiptarët e amerikës. Me vendimin nr. 506, dt 22 qershor 1922 “Qeverija shqiptare ka me i njoftun pasaportat të cilat nga ana e autoriteteve amerikane u janë dhanë shqiptarve të natyralizuem amerikan si mbas ligjve amerikane mbi kombësitë”.
Pas rikthimit në pushtet të Zogut “Qeverija ka marre nji vendim nr 443 datë 30 gusht 1925 që deri sa të zgjidhet definitivisht çashtja e nderlikueme e pasaportave të shqiptarve të naturalizuem amerikan Qeverija shqiptare do t’i njohi pasaportat qi autoritetet e SHBA u japin, tue u konformue ligjve relative mbi nacjonalitetet, personave prej origjine shqiptare e të naturalizuem amerikan”.
Një vit më pas vizat hiqen si pë amerikanët që vinin, ashtu dhe për shqiptarët që shkonin në SHBA: “Mbi dishirin e çfaqun prej Legatës Amerikane, Qeverija ka vendosun me aktin nr. 62 datë 10 nëntor 1926 që vizat e pasaportave të hiqen në bazë të reciprocitetit, por vetëm për personat që nuk janë emigrant”.
NJË SHEKULL MË PAS: Endrra Amerikane… vazhdon!
/Marrë nga: Alfred Pez@, blogu personal
