Pas Konferencës së Paqes së 1919 në Paris, ku fuqitë Aleate fituese të Luftës I Botërore, për shkak të qëndrimeve të njohura tashmë të Presidentit Willson, në Shqipëri u rrit menjëherë “miti” i SHBA.
Shqiptarët kuptuan për herë të parë pas shpalljes së pavarësisë, se kishin tashmë një superfuqi që i mbronte dhe ku mund të mbështeteshin. Për të qenë më të qetë e të sigurtë se do ti mbijetonin ndarjes dhe copëzimit të mëtejshëm nga orekset e fqinjëve dhe lojrat e fuqive europiane.
Në vitin 1920 amerikanët erdhën dhe e “zbuluan” Shqipërinë. Në fillim me anë të “Kryqit të Kuq” ku krahas ndihmave në ushqime, veshmbathje e ilaçe, nisën të përhapin kulturën e të marurit me sport. U hap edhe një spital me personel 100% nga SHBA.
Godina e Ambasadës së SHBA në Tiranë e stilit kolonial, u ndërtua në këtë periudhë. Ajo ishte ndërtesa e parë e ndërtuar ndonjëherë nga Departamenti i Shtetit në botë, për të shërbyer si Ambasadë.
Këto foto i përkasin vitit 1920 kur flamuri amerikan nisi të bëhej simboli më i dashur për shqiptarët, pas flamurit kombëtar.
/Marrë nga Alfred Peza blogu personal
