Pas paradës në disa qytete të Shqipërisë, koleksioni klasik i makinave të vjetra Retro ka mbërritur në Gjirokastër e pikërisht në pazarin karakteristik. Retro n’sokak solli 35 atuovetura të viteve 1940-1980, të cilat ngjallën interesin e vendasve dhe jo vetëm, pasi nuk ishin të pakët të apasionuarit e ardhur nga Tirana dhe Kosova.
“U mrekulluam se sa makina të vjetra. I kishim parë vetëm nëpër media, në televizione. Ishte e mahnitshme ti shikoje për vërteti”, tha një vizitore.
“Ishin shumë të bukëra. I kisha parë vetëm nëpër filma dhe media”, u shpreh një tjetër.
“Është një Retro e cila është rrallë bëhet. Qyteti i gurtë është në festë”, tregoi një i pasionuar pas makinave Retro.
“I shton gjallëri qytetit dhe pazari merr pak frymë”, tha një tjetër.
Përveç mjeteve, pjesëmarrësit u argëtuan me shoqërinë e pianistit italian Alesio Maliari, si dhe ritmet e muzikës JAZZ që u performua nga grupe të ndryshme nga Ballkani.
