Kapriçot e motit duket se kanë ardhur në ditët e para të vitit të ri. Dita e enjte pritet po ashtu që të jetë e karakterizuar nga vranësirat, reshjet e shiut si dhe të dëborës në juglindje të vendit.
Në orët e para të mëngjesit pritet të ketë një kthjellim të motit, i cili gradualisht do të përfshijë fillimisht Veriun e më pas Qendrën e territorit shqiptar në orët e mesditës.
RESHJET
(e enjte, dt.04) do të ketë reshje të dobëta, por në pjesën qendrore dhe jugore ato do të arrijnë lokalisht deri mesatare (siç tregohet në tabelë, respektivisht për secilin qark).
Në zonat malore mbi 500 metra mbi nivelin e detit priten reshje dëbore (në veri dhe në lindje në zona të kufizuara edhe më poshtë se ky nivel).
TEMPERATURAT
(e enjte, dt.04) temperaturat minimale dhe maksimale të ajrit pritet të arrijnë:
në bregdet: 5 °C / 13 °C
në vendet e ulëta: 4 °C / 12 °C
në vendet malore: -2 °C / 6 °C.
ERA
(e enjte, dt.04) era do të fryjë e lehtë, ndërsa në bregdetin e jugut deri mesatare.
Përgatiti: AlpeNews.al
