Taksa prej të paktën 5 eurosh për të kaluar në “Rrugën e Kombit” e ka sjellë edhe pasojën e parë negative të saj.
Brenda pak ditësh kjo taksë do të aplikohet në mjetet që lëvizin nga Kosova e Kukësi drejt Tiranës.
Shoqëria që është e ligjëruar për të transportuar udhëtarët nga Kukësi në Tiranë dhe anasjelltas ka bërë të ditur se do të rrisë çmimin e biletës për të gjithë udhëtarët.
Duke mos dhënë çmim, se sa do të jetë rritja e biletës, administratori i kësaj shoqërie është shprehur se janë të detyruar për të rritur biletën e udhëtimit.
‘Do ta rrisim biletën. Kur të vendoset pagesa e rrugës, do të rritet edhe çmimi i biletës së udhëtimit nga Kukësi në Tiranë’, është shprehur administratori i shoqërisë ‘Laçi sh.p.k’.
Ky i fundit është ankuar se ka shumë mjete, taksi dhe furgona që transportojnë pasagjerë, por që nuk janë të licencuar.
Ai ka kërkuar nga shteti që të ndalohen këto mjete transporti të palicencuara.
Në lidhje me vendosjen e taksës së kalimit në ‘’Rrugën e Kombit” ka reaguar për herë të parë edhe kryeministri Edi Rama.
I ngacmuar nga ana e komentuesve në rrjetet sociale kryeministri është shprehur se kjo taksë është e nevojshme për mirëmbajtjen e rrugës.
Komentuesi: Edo, ti o shok flet per Bashkim Kombetar dhe vepron per Ndarje Kombetare, apo si eshte puna? 10 euro o shok eshte shume. Dynjaja ska buk te haje, ti I vendos taks skandaloze. Te kemi dhene voten, jo per te na bere gropen, por per te na cuar perpara. Ndaj rishikoje ate taksen e Rruges se Kombit, mos u be edhe ti me keq se Saliu & Luli.
Rama: Nuk ka pagese 10 euro Albi, eshte 5 euro, cmim qe paguhet kudo ne rajon dhe kontribut qe shkon per mirembajtjen e rruges, e cila u ndertua pjeserisht (nderkohe qe kompania do te perfundoje edhe ndertimin) dhe mbeti ne meshire te fatit nga pamundesia e mirembajtjes qe ka nje kosto jo te vogel!
