Java e 10-të luajti katër ndeshjet e saj në Kategorinë Superiore të futbollit, dhe ka mbetur takimi Vllaznia – Lushnja për tu zhvilluar, për t’i vënë kapakun. Në një vëzhgim të renditjes, po në javën e 10-të, të një sezoni më parë, bien në sy luhatjet e skuadrave.
Skënderbeu është përmirësuar më shumë, me plot 6 pikë më shumë nga një sezon më parë. Teksa vjet me 20 pikë, qëndronte në vendin e parë bashkë me Kukësin, këtë vit korçarët kryesojnë të vetëm me 26 pikë.
Hap të madh ka bërë edhe Flamurtari i Shpëtim Duros, i cili vjen në këtë periudhë numëronte 12 pikë, ndërsa në sezonin 2017-18, ka 17 pikë, dhe renditet në vendin e tretë.
Zhgënjimet vijnë nga kampet e Kukësit dhe Partizanit, të cilat të dyja kanë rënie pikësh. Verilindorët kishin në llogari vjet 20 pikë, ndërsa pas javës së 10-të, sot numërojnë 19 pikë, dhe ndjekin korçarët.
Partizani ka humbur plot 8 pikë, dhe teksa vjet luftonte për titull, me 19 pikë pas 10 javësh, këtë vit me luhatjet e shumta që ka pësuar, ka arritur të grumbullojë vetëm 11 pikë. Një ecuri që lë shumë për të dëshiruar.
Më poshtë, lista krahasuese mes dy sezoneve.
EKIPET Sezoni 16/17 Sezoni 17/18
Skënderbeu 20 pikë 26 pikë
Kukësi 20 pikë 19 pikë
Partizani 19 pikë 11 pikë
Flamurtari 12 pikë 17 pikë
Vllaznia 11 pikë 6 pikë
Luftëtari 11 pikë 8 pikë
Teuta 8 pikë 11 pikë
Laçi 7 pikë 14 pikë
Kamza —— 16 pikë
Lushnja —— 5 pikë
Tirana 17 pikë ——-
Korabi 5 pikë ——–