Shqipëria kryeson listën e vendeve për rritjen e trafikut të pasagjerëve në muajin Shkurt krahasuar me vitin 2019. Nuk bëhet fjalë për pak, por për një rritje prej 227.9%.
Është kreu i qeverisë Edi Rama që shpërndan statistikat dhe që në rrjetet sociale shkruan se Shqipëria po ngjitet gjithnjë e më lart. Sipas kryeministrit, vendi ynë është gati për të mirëpritur gjithë botën.
“Gjithnjë lart e më lart! Krenarë të ndaj me ju se Shqipëria kryeson në rritjen e trafikut të pasagjerëve edhe për muajin shkurt, krahasuar me 2019. Vendi ynë i bukur është i hapur, vibrant, dhe gati për të mirëpritur botën”, tha Rama.
