Guvernatori i Bankës së Shqipërisë, Gent Sejko, evidentoi këtë të mërkurë në konferencën ndërkombëtare me temë “Diversifikimi i sistemit financiar përmes reformave të tregut të kapitaleve”, progresin e bërë nga sistemi bankar në Shqipëri gjatë viteve të fundit.
Në fjalën e tij Sejko theksoi se ai së bashku me kolegët e Bankës së Shqipërisë ndihen konfident mbi mënyrën e operimit të sistemit bamkar në Shqipëri.
Ai nënvizoi se problemet që më përpara lidheshin me rolin kryesor të bankave si ndërmjetës financiar, mbrojtës të depozitave të kursimeve të popullatës, dhe supertues të ekonomisë përmes kreditimit, tashmë janë ezauruar nuk ekzistojnë më.
“Pjesa ligjore ishte e vështirë pasi lidhej me reformën në drejtësi, ishte fillimi i reformës në drejtësi për ekzekutimin e kolateraleve apo për respektimin e kontratave.
Në atë kohë kishte një preceptim negativ për bankat. Sot është pak më pozitiv. Për normat e larta të interesit, për kërkesën që beksankat kishin për kthimin e kredisë, mjaft biznesmenë, biznese të mëdhaja jo të vogla, mendonin se ishte faji i bakave për këtë situatë, sigurisht që bankat kishin fajin e tyre kishin por nuk ishte i gjithë faji i bankave. Shumë biznese të mëdha pretendonin se unë bëra çfarë më tha banka, banka me tha merri lekët, ndërkohë që nuk vajti banka tek ai, por ai tek banka.
Ishte një situatë mjaft komplekse e agravuar që duhej zgjidhur, eshte shumë probleme që duheshin zgjidhur dhe fatmirësisht ky plan pune funksionoi ndër vite.
Fatmirësisht sot kemi rezultate, perfeksion nuk ka kurrë, koha evoluon dhe sot kemi kërkesa të tjera
Por të paktën për probleme fondamentale që lidhen me rolin kryesor të bankave si ndërmjetës financiar, si mbrojtës të depozitave të kursimeve të popullatës, si dhe supertues të ekonomisë përmes kreditimit, sot nuk kemi më hallin që kishin. Unë, institucioni që unë drejtoj dhe kolegët e mi në Bankën e Shqiprisë ndjehemi shumë konfident me cilësinë e bankave me mënyrën si ato operojnë, me seriozitetin dhe analizën e riskut që ato kanë, tha Sejko
