Zëvendëskryetarja e Kuvendit, Vasilika Hysi, kryetari i Komisionit te Ligjeve Ulsi Manja si dhe deputeti Blendi Çuçi do të zhvillojnë sot një takim me raporterët e Komisionit të Venecias dhe OSBE/ODHIR, në kuadër të ecurisë për reformën në drejtësi.
Në këtë mbledhje është përcaktuar që të jenë dhe anëtarë nga opozita, por nuk dihet nëse këtë të fundit do të marrin pjesë apo jo në takim.
Mësohet se takimi do të mbahet sot në orën 9:00. Kujtojmë se opozita që në nisje të këtij sesioni të ri parlamentar ka bojkotuar seancat plenare, ndërsa ka vijuar mbledhjet e saj në disa rrethe, Elbasan, Shkodër, Durrës.
