Bashkimi Evropian i është përgjigjur ashpër dhe prerë Presidentit të Republikës, Ilir Meta, i cili një ditë më parë shpërtheu ndaj ndërkombëtarëve, duke i bërë fajtorë për dështimin e Reformës në Drejtësi.
Meta akuzoi ashpër misionin e BE për Reformën në Drejtësi në Shqipëri, EURALIUS, duke thënë se i kishte thirrur në takim, por nuk kishin shkuar.
Lidhur me këtë, ka reaguar Delegacioni i BE në Tiranë, i drejtuar nga ambasadori Luigi Soreca, i cili ka rrëzuar pretendimet e Kreut të Shtetit, duke thënë se puna e EURALIUS është për t’u lavdëruar.
Por kundër reformës në drejtësi nuk ka qenë vetëm Meta por kanë qenë edhe figura të tjera politike si: Sali Berisha, Lulzim Basha, Monika Kryemadhi dhe ish kryeprokurori Adriatik Llalla.
Deklaratat e tyre për reformën në drejtësi:
Sali Berisha: “Për sa i përket reformës në drejtësi, absolutisht ne mbështesim plotësisht një reformë. Kurrë të udhëhequr nga kapoja i klanit të drogës, i cili mbron vetëm interesat e tyre, mbështesim një reformë pa mëdyshje, përfshirëse, mbështesim një reformë me mbështetje të plotë nga Komisioni i Venecias.
Lulzim Basha: Nevoja për Reformën në Drejtësi nuk ka qënë kurrë më e madhe, por për një reformë në drejtësi që Lufton dhe nuk mbron krimin dhe korrupsionin.
Monika Kryemadhi: Misioni i Euralius ka dështuar me reformën në drejtësi. Sipas Kryemadhit mosfunksionimi i reformës në drejtësi erdhi për shkak të dështimit të institucioneve ndërkombëtare.
Adriatik Llalla kundër reformës në drejtësi: Të korruptuarit i luftojmë vetë!
Përgatiti: AlpeNews.al
