Në sajë të rikthimit të ligjshmërisë në sektorin e ujit gjatë muajve janar-shtator 2018 janë arkëtuar 17 milionë euro më shumë se një vit më parë.
Ministri i Infrastrukturës dhe Energjetikës, Damian Gjiknuri thekson se “gjatë 2018 janë vendosur 7400 matësa, janë bërë 3500 kontrata të reja, si dhe janë 17 milionë euro më shumë të arkëtuara”.
Sipas tij, rikthimi i ligjshmërisë në sektorin e ujit përmes performancës më të mirë të bashkive dhe ujësjellësave është garancia e vetme për rritjen e investimeve dhe përmirësimim e furnizimit për qytetarët .
Prioritetet kryesore të reformës së sektorit të ujit në Shqipëri janë ruajtja e cilësisë së ujit dhe përmirësimi i furnizimit me ujë të pijshëm.
