Brenda pak javësh keni një referendum për marrëveshjen për emrin. I inkurajoj votuesit që të shfaqen në numër të madh, kjo është mundësi e cila jepet njëherë në jetë – të bëheni anëtare e bashkësisë ndërkombëtare me të gjitha përfitimet të cilat ajo i bart me vete.
Kështu, siç transmeton Gazeta Express, porositi sekretari i përgjithshëm i NATO-s Jens Stoletenbergu në konferencën e përbashkët për shtyp me kryeministrin e Maqedonisë Zoran Zaev.
Stoltenbergu theksoi se dera e NATO-s është e hapur, anëtarësimi është në arritje dhe është një mundësi që të përforcohet paqja dhe stabiliteti, si në vend ashtu edhe në rajon dhe siç tha “të merret vend dhe votë e barabartë në tryezën e NATO-s që të inkuadrohet drejt aleancës më të suksesshme në histori”.
“Në Samitin e NATO-s në korrik, Aleanca ju ftoi të filloi bisedime, për inkuadrim pas zgjidhjes së çështjes për emrin me Greqinë. Kompromisi nuk është i lehtë asnjëherë, por të dyja palët kanë bërë kompromis për një të ardhme më të ndritshme”, deklaroi Stoltenbergu,
Ai tha se NATO-ja i ruan të sigurt një miliardë njerëz në botë dhe se siguria sjell edhe prosperitet ekonomik.
Stoltenbergu shprehu falënderim për kontributin e Maqedonisë ndaj operacioneve dhe misioneve të NATO-s.
“Dëshirojmë ta shohim vendin tuaj si të suksesshëm. Vetëm populli i këtij vendi duhet të vendosë për të qenë e kalueshme kjo rrugë – ardhmëria juaj është në duart tuaja. Ne ju presim në NATO!”, tha Stoltenbergu.
Kryeministrin Zoran Zaev, nga ana e tij, theksoi se ftesa ndikon për kohezion të brendshëm dhe Maqedoninë e promovon si shembull të Ballkanit Perëndimor për udhëheqje të fuqishme.
Ai theksoi se Qeveria përgatit plan për implementimin e reformave në pajtim me programin e NATO-s, me theks të veçantë të qeverisjes së të drejtës.
NATO-ja dhe BE-ja janë përcaktim strategjik i Maqedonia dhe nga kjo nuk ka tërheqje, tha Zaevi.
“Referendumi më 30 shtator do të jetë një sfidë edhe më e rëndësishme. Tani jemi në një udhëkryq historik për ardhmërinë tonë[ dhe jam i bindur se qytetarët do t’i njohin perspektivat për vendin tonë”, deklaroi Zaevi.
Kryeministri maqedonas theksoi se është i bindur se referendumi do të jetë i suksesshëm dhe se do të arrihet censusi i nevojshëm.
Zaevi e përsëriti thirrjen për të gjithë në Maqedoni që të qëndrojnë së bashku për realizimin e interesave strategjike të vendit.
