Real Madrid është i interesuar në portierin spanjoll të Athletic Bilbaos, Kepa Arrizabalaga
Presidenti i Athletic Bilbaos, Josu Urrutia ka thënë se nuk ka asnjë informacion se Real Madrid po interesohet për portierin e tij, Kepa Arrizabalaga.
Por, ai tha se nëse portieri dëshiron të largohet, atëherë duhet të ua konfirmojë këtë atyre dhe të paguajë klauzolën e tij.
“Lojtari nuk na ka thënë se dëshiron të largohet dhe për momentin jam pozitiv në renovimin e kontratës”, tha fillimisht Urrutia gjatë një konference për media.
“Por, nëse lojtari dëshiron të largohet, atëherë duhet të na tregojë dhe të paguajë klauzolën e tij”, tha në fund ai.
Klauzola e kepa është vetëm 25 milionë euro, shumë kjo e pranueshme për Real Madridin.
