Elisa Spiropali, ministre për parlamentin, ka reaguar pas vizitës së Presidentit Meta sot në Koplik.
Ky i fundit adresoi një sërë akuzash ku ndër të tjera tha se do të bashkojë shqiptarët e ndershëm për të rrëzuar Ramën.
Përmes një statusi në Facebook Spiropali shkruan:
“100 vjet më parë ata luftuan dhe dhanë jetën për lirinë në Koplik të Malësisë së Madhe, duke u pagëzuar Dëshmorë të Kombit!
100 vjet më pas Baba Xhikja shkon t’u japë dekorata nga një President i Republikës që flet për gjakun e tyre dhe rrëkëllen rakinë e marrëzisë, duke shqelmuar çdo etikë protokollare e duke përmbysur çdo sistem botëror medaljesh presidenciale!
Parashikoj që deri në 25 prill Baba Xhikja do shpërndajë mijëra verdhushka për të blerë nderin e humbur në fundin e gotës së pushtetit të shkatërruar moral dhe institucional të kryetarit të shtetit”, nënvizon Spiropali.
