Atentati i ndodhur mbremjen e se shtunes në zonen e Astirit në Tiranë, ku u ekzekutuan brenda automjetit “Audi” dy persona, ka rikthyer edhe njeherë në vemendje emrin e Ervis Martinaj, i cili permendet jo rralleherë në ngjarje të tilla.
Kjo sepse një nga viktimat, Erigers Mihasi, ishte një nga personat me të afërt të Martinaj. Ky i fundit duket se lidhet edhe me ekzekutime te tjera qe kanë ndodhur dhe ajo që vihet re është se viktimat jane kryesisht njerëzit e tij më të afërt.
Por çfarë ndodhi me Mihasin:
Para tre vitesh Mihasi ishte shoqëruar në polici për t’u marrë në pyetje në lidhje me ngjarjen e ndodhur në ish-Bllok. Mihasi dyshohej edhe si i përfshirë në grabitjen dhe torturimin e prindërve të Elton Çiços në Tepelenë. Mirëpo fitoi lirinë për shkak se nuk iu gjetën prova.
Mbremjen e së dielës, drejt automjetit ku ai ndodhej u qëllua me plot 40 plumba duke e lënë të vdekur në vend. Sipas dëshmive, Mihasi po ruhej nga një ngjarje e tillë e mundshme, ndonëse ende nuk kemi emra të autorëve. Ajo çfarë dihet me siguri, është lidhja e tij me Ervis Martinajn.
Vrasja e Bujar Likës
Në maj të vitit 2020 në aksin rrugor Laç-Mamurras u vra Bujar Lika, edhe ky mik i ngushtë me Ervis Martinajn. Pranë tij u gjet një armë zjarri. I vrarë mbeti gjithashtu edhe Paulin Gjergji. Por policia dyshonte se “shënjestër” e atentatit ishte Bujar Lika, pikërisht për shkak të miqesise dhe lidhjeve me Ervis Martinajn.
Vrasja e Fabian Gaxhës
Për shumë ky emër lidhet direkt me ngjarjen e ish Bllokut, ku Gaxha mbeti viktimë. Ai shoqërohej nga shoku i tij Ervis Martinaj, por pas konfliktit mbeti i vrarë nga Mervjol Billo, truproja i Ervin Matës. Nga të shtënat u plagos edhe Martinaj.
Vrasja e Santiago Malkos
26-vjeçari” ishte pjesë e bandës së Ervis Martinajt. Edhe Malko ka qenë i përfshirë në ngjarjen e 4 tetorit të 2018-s, kur ndodhi vrasja e Fabian Gaxhës.
Ai u ekzekutua ne 2019, me 10 plumba në zonën e Xhamllikut në Tiranë.
Por kush është Ervis Martinaj
Martinaj ka qenë oficer policie, por u largua pas operacionit të policisë kundër lojërave të fatit
Ervis Martinaj, është konsideruar dhe njihet si një nga njerëzit më të rrezikshëm në Tiranë, i akuzuar për vrasje dhe i dyshuar për disa ngjarje të rënda, që kanë tronditur kryeqytetin.
Ervis Martinaj është përmendur edhe në Gjyqin ndaj Emiliano Shullazit.
Martinaj ka qenë pronar i disa pikave të basteve dhe kazinove dhe është përmendur në 2016 për ngjarje të rënda kriminale.
Emri i Ervis Martinit u lakua edhe për vrasjen e bankierit Artan Santo. Gjatë kontrollit në magazinën e tij në Fushë-Kuqe u gjetën dy skafandra të ngjashme me ato që përdorën vrasësit e bankierit, por ai nuk u implikua në këtë rast, sepse nuk kishte prova.
AlpeNews.al