14 marsi është një datë që do të mbahet mend gjatë në shkencë. Kjo ditë ishte e rëndësishme për shkak se është data e lindjes së shkencëtarit më të madh të të gjitha kohërave Albert Einstein.
Ndërsa nga sot do të mbahet mend dhe për vdekjen e atij që shihej si pasuesi i tij, Stephen Hawking.
Einstein lindi në 14 mars 1879 në Gjermani, emri i të cilit do të shkruhej më vonë me germa të arta në shkencë. Nga ana tjetër po sot është ndarë nga jeta në moshën 76-vjeçare fizikani i njohur Stephen Hawking, kujton Zëri. Rastësi apo jo, ky largim tregon edhe një herë se disa fenomene mbeten ende mister.
Idetë e tij shkencore sot udhëheqin kërkimet në fushën më të panjohur të fizikës, gravitacionin kuantik, vrimat e zeza, origjinën e Universit.