Bashkimi Evropian ka kërkuar lirimin e menjëhershëm të gazetares kineze, e cila raportoi fazat e para të koronavirusit në qytetin e Wuhanit.
Siç shkruajnë mediat e huaja, Zhang Zhan është dënuar të hënën me katër vjet burg, pasi është shpallur fajtore për “provokimin e telasheve”. Kjo akuzë ngrihet shpesh në Kinë kundër aktivistëve.
BE-ja ka ngritur shqetësimin për “kufizimin e lirisë së shprehjes dhe të qasjes në informacion, për frikësimin dhe mbikëqyrjen e gazetarëve, si dhe për ndalimet, gjykimet dhe dënimet e mbrojtësve të të drejtave të njeriut dhe të intelektualëve në Kinë”.
37-vjeçarja është arrestuar edhe në vitin 2019 pasi doli në mbështetjeve të aktivistëve të cilit ishin pro demokracisë në Hong Kong.
