22 persona, mes të cilëve edhe fëmijë, kanë vdekur pas një aksidenti automobilistik të ndodhur në Izmir të Turqisë.
Agjencia e shtypit “Anadolu” bën të ditur se 13 persona të tjerë janë plagosur në provincën perëndimore turke.
Të gjithë personat në fjalë ishin emigrantë, të cilët po udhëtonin brenda një kamioni të nisur nga Aydin.
Sipas asaj që shkruan media turke, mjeti ka dalë nga rruga dhe më pas ka përfunduar në lumë.
Kombësia e emigrantëve ende nuk dihet.
Fotografitë e postuara në rrjetet sociale tregojnë kamionin në breg të lumit plotësisht të shkatërruar, me sende të ndryshme personale të shpërndara në zonë, si dhe ambulancën që ndodhet në vendin e ngjarjes.
