Korça dhe Gjirokastra janë 2 qarqet më të sigurta në 6 mujorin e parë të vitit 2018. Gjatë kësaj periudhe në këto qarqe nuk është shënuar asnjë vrasje.
Nëse i referohemi të dhënave për 6 mujorin e parë të vitit 2018 në të gjithë vendin, rezulton se gjatë kësaj kohe janë shënuar 25 vrasje, ose 3 më pak se 2017, i cili ishte viti me numrin më të ulët historik në tre dekadat e fundit.
Për vitin 2017 qarku në të cilin nuk ishte shënuar asnjë vrasje ishte Berati.
Edhe pse aksidentet rrugore në vend mbeten shqetësim, ka një përmirësim të dukshëm. Gjatë këtij 6 mujori rezulton se janë shpëtuar 8 jetë më shumë nga aksidentet rrugore.
Në sondazhet me publikun, Policia e Shtetit mbetet institucioni më i besuar në vend.
