Të qëndrosh një ditë në paraburgim ka një kosto shumë herë më të lartë sesa një ditë të zakonshme në liri.
Sipas një raporti të Komitetit Shqiptar të Helsinkit masat e arrestit me burg në vendin tonë jepen në mënyrë masive duke krijuar edhe kosto të lartë për buxhetin e shtetit. Në raport thuhet se në një ditë kostoja e një të paraburgosuri në vitin 2019 ka qenë 2,910 Lek të reja. Ndërsa në total për buxhetin e shtetit kjo kosto shkon në 2.29 mld lekë të reja.
“Paraburgimi, kur nuk respektohen standartet ndërkombëtare dhe legjislacioni ynë i brendshëm (Kodi i Procedurës Penale), përveç se rezulton me shkelje të të drejtave dhe lirive themelore të njeriut ka gjithashtu një kosto tepër të lartë për buxhetin e shtetit. Kostoja ditore e shpenzimeve për mbajtjen e një të paraburgosuri në sistemin tonë penitenciar gjatë vitit 2019 është 2,910 Lek të reja. Kostoja totale financiare në buxhetin e shtetit, për akomodimin e personave të paraburgosur në vendin tonë për vitin 2019, paraqitet në nivele të larta, përkatësisht rreth 2.29 miliard Lek (të reja)”, thuhet në raport.
