Shqiptarët njihen për lidhjen e tyre të fortë me kafenetë dhe lokalet, por sa kafe dhe cigare konsumojmë ne?
Sipas të dhënave të Drejtorisë së Përgjithshme të Doganave Shqiptare, vetëm në muajin Tetor brenda vendit tonë janë importuar 980 ton kafe dhe 280 ton cigare. Ky ishte niveli më i lartë i këtyre dy produkteve gjatë këtij viti në Shqipëri.
Shifrat e importit të këtyre dy produkteve janë rritur ndjeshëm nga e njëjta periudhë një vitë më parë, ku në Tetor të 2019 u importuan 565 ton kafe dhe 5 ton cigare.
Duket se pandemia ka ndikuar shumë në jetën e banorëve pasi edhe importi i produkteve të higjenës si sapuni ka arritur në mbi 50 mijë ton.
Kujtojmë se Shqipëria është e renditur si vendi i parë në botë për numrin e kafeneve dhe restoranteve për popullësi.
