Juventusi fitoi me rezultatin 2-1 kundër Lokomotiv Moskës në takimin e vlefshëm për fazën e grupeve në Ligën e Kampionëve.
Golat për bardhezinjtë u shënuan nga Aaron Ramsey dhe Douglas Costa, por Cristiano Ronaldo pati një episod të pakëndshëm me trajnerin Maurizio Sarri i cili e zëvendësoi në minutën e 81’ duke aktivizuar Dybala.
Në këtë takim gjërat nuk shkuan siç duhej për luzitanin pasi më herët Ransey i “vodhi” golin CR7-ës.
Goditja e dënimit e ekzekutuar nga Ronaldo nuk u prit siç duhej nga portieri vendas dhe topi po shkonte drejt rrjetës, por Ransey ndërhyri me prekjen e tij për të shkruar emrin në listën e golashënuesve.
Kamerat kanë filmuar një moment interesant me fytyrën e habitur të Cristiano Ronaldos, kurse francezi gjatë festës drejtoi gishtat duke i dhënë meritë 5 herë fituesit të “Topit të Artë”.
