“Gazsjellësi TAP do ta vendosë Shqipërinë në një nga arteriet më të rëndësishme të furnizmit me gaz në Europë, por do të sjellë edhe përfitime të vazhdueshme”.
Kështu tha kryeministri Rama në përurimin e stacionit të kompresorëve të gazit.
Në tej Rama tha se projekti deri tani ka gjeneruar 350 vende pune.
“Përmes gazsjellësit TAP, Shqipëria vendoset në një nga arteriet më të rëndësishm të furnizmit me gaz në Europë. Projekti do të prodhojë përfitime të vazhdueshme.
Projekti në të gjitha hallkat e veta nuk ka shënuar asnjë vonesë. Është tërësisht brenda axhendës së paracaktuar.
Ky stacion që do të jetë gati për të filluar operimin tregtar në vitin 2020, do të shtojë 250 punonjës dhe 100 vende të reja pune janë gjeneruar për kompanitë që bashkëpunojnë.
Mbi 70% e fuqisë punëtore është vendase, duke pasur një ndikim ekonomik. Por edhe duke ndikuar në rritjen e kapaciteteve”, tha ai.
Rama tha se falë programeve të hartuara nga qeveria, kjo vepër nuk do të jetë thjesht një vendkalim i gazit.
“Ka një program investimesh sociale dhe mjedisore. Ka një sërë komunitetesh dëshmitare. Nuk do të jetë thjesht një vendkalim i gazit.
Ne kemi masterplanin e gazit, një dokument gjithëpërfshirës objektivash që rregullon të gjitha hartën e veprimeve për gazifikimin e vendit tonë. Zona përfituese do të jetë trekëndëshi Ballsh-Fier-Patos”, tha Rama.
