Gazetari Sokol Balla i ka kujtuar kryeministrit Edi Rama sot deklaratën e liderit të opozitës Lulzim Basha, i cili tha pak ditë më parë se vetëm dy vende në botë nuk kanë bërë asnjë investim gjatë vitit 2017, Koreja e Veriut dhe Shqipëria.
Por përgjigjen e tij Rama e dha kështu: Sikur t’ju them unë ç’më ka thënë Lulzim Basha këtu, do dëgjonim njëri- tjetrin deri nesër në mëngjes dhe do qeshnim, është djalë i mirë dhe jam i sinqertë kur e them këtë, por është po ashtu sic e kam thënë artist, ka një cilësi të pamohueshme për të thënë atë që nuk mendon dhe për të menduar atë që nuk thotë.
