Nga foltorja e Kuvendit, Kryeministri Rama u është përgjigjur sot akuza të opozitës për pagesën në Rrugën e Kombit, duke e cilësuar gjithë sa po ndodh, flamur të një patriotizmi të rreckosur, pasi si ka thënë ai jemi i vetmi vend në Evropë që i ka rrugët pa pagesë.
Rama ka kujtuar se e gjithë kjo histori e ka zanafillën në vitin 2010 “se në atë kohë kryeministri i kohës ka marrë iniciativën për të hapur këtë proces dhe ka thënë publikisht si rrallë në karrierën e tij atë që sot si gjithmonë në karrierën e tij mohon, ne e ndërtuam për ta mirëmbajtur nuk e mirëmbajmë dot, por kjo nuk është fjalë goje, se pamundësia e mirëmbajtjes ka sjellë degradime të rëndësishme në atë aks”.
Më tej, Rama kujtoi, madje edhe falënderoi dy ministrat e LSI-së, Haxhinasto dhe Dervishaj, për punën e bërë, duke akuzuar LSI se mendon kur është në pushtet dhe ndryshe kur është në opozitë.
Rama ka kujtuar se e gjithë kjo histori e ka zanafillën në vitin 2010 “se në atë kohë kryeministri i kohës ka marrë iniciativën për të hapur këtë proces dhe ka thënë publikisht si rrallë në karrierën e tij atë që sot si gjithmonë në karrierën e tij mohon, ne e ndërtuam për ta mirëmbajtur nuk e mirëmbajmë dot, por kjo nuk është fjalë goje, se pamundësia e mirëmbajtjes ka sjellë degradime të rëndësishme në atë aks”.
Më tej, Rama kujtoi, madje edhe falënderoi dy ministrat e LSI-së, Haxhinasto dhe Dervishaj, për punën e bërë, duke akuzuar LSI se mendon kur është në pushtet dhe ndryshe kur është në opozitë.
Ai nuk ka lënë pa shigjetuar kreun e opozitës, ndonëse pa i përmendur emrin. “E dimë historinë, i dimë dhe të pandehurit që janë në sallë, dimë dhe shumë bëma, kjo rrugë është e papërfunduar, pa studimet e nevojshme gjeologjike. Formulë rrumpalle, që ju bëtë sa herë ju është dhënë mundësia të merrni në dorë celësat e shtetit. Përgjigja që ka qenë mësim për ne është nuk ekziston në asnjë vend të planetit një teori që përjashton banorët si teori nga detyrimet pasi ata janë përdoruesit. Me atë avaz po shkoni kopëposhtë, ne nuk ju ndalojmë dot që të thyeni qafën për aty ku jeni nisur, por ajo që duhet ta dinë njerëzit janë 120 mijë euro që kompania i jep pushtetit vendor për të përdorur për të lehtësuar barrën, duke e hequr nga ata që përdorin transportin publik, me autobus apo furgon”- tha Rama.
