Pak pasi Rama deklaroi nga Kuvendi se taksa për Rrugën e Kombit nuk do të bëhet pa u gjetur më parë zgjidhja optimale me dhe për banorët e zonës, vjen reagimi i kreut të PD-së, Lulzim Basha.
Nga protesta në Vorë, Basha ka një përgjigje për Ramën, për të cilin thotë se më këtë tërheqje kërkon vetëm të fitojë kohë, duke i thënë se opozita nuk tërhiqet deri në fund.
“Rama duhet ta heqë tërësisht dhe për të gjithë se është e padrejtë, për banorët e zonës më të varfër, por edhe cdo shqiptar tjetër, e para duhet hequr tërësisht. E dyta po përpiqet të fitojë kohë, se është në presion, dhe pastaj t’i godasë nga prapa, jemi për të kërkuar lirimin e gjithë të arrestuarve, jemi për ti dhënë fund një regjimi që ka rrënuar shtetin. Reagimet e Ramës përvecse janë të pabesueshme nuk zgjidhin thelbin e problemit, taksa të anulohet tërësisht, shqiptarët paguajnë 200 mln euro në vit taksa për rrugët, të arrestuarit të lirohen nga i pari në fund dhe të marrë fund ky shtet që është në shërbim të oligarkëve. Ne do të vazhdojmë deri në fund, fitorja është kur shteti dhe institucionet e shtetit kthehen në shërbim të qytetarëve dhe jo një grupi oligarkësh”- tha ai.
