Kryeministri Edi Rama ka publikuar disa pamje në rrjetin social Facebook dhe bën krahasimin mes dy familjeve në Bulqizë, në njërën që është me vilë dhe merrte ndihmë ekonomike edhe në tjetrën që është e varfër, por sipas tij nuk përfitonte ndihmë ekonomike. Rama thotë se skema e re e ndihmës ekonomike mbështet shtresat vërtet të varfra dhe se sipas tij deri më tani është abuzuar.
Statusi i plotë:
Lart vila e K.S në Bulqizë që deri dje merrte çdo muaj ndihmë ekonomike dhe poshtë shtëpia e Z.J po në Bulqizë që nuk përfitonte ndihmë ekonomike. Me skemën e re, K.S është përjashtuar dhe Z.J është përfshirë në skemë.
Fotot tregojnë qartë se cila nga kto dy familje është në nevojë.
Ndërkohë që po kryhen të gjitha verifikimet e nevojshme për të rivlerësuar çdo familje të hyrë apo të dalë nga skema e ndihmës ekonomike, bashkive u është dyfishuar fondi, nga 3% në 6%, për të përfshirë në skemë familjet realisht në nevojë dhe që nuk përfitojnë nga skema kombëtare.
