Kryeministri Edi Rama teksa qëndron prej dy ditësh për një vizitë në qarkun e Beratit, ka vizituar sot fshatin Kutalli, që njihet për fermat bujqësore.
Gjatë një bashkëbisedimi me fermerët Rama u sqaroi edhe njëherë fermerëve që tashmë skema e përfitimit të subvencioneve është transparente dhe pa kosto. Ajo çka ra në sy ishte fakti që Rama u prit me duartrokitje nga banorët e kësaj zone.
“Skema është bërë transparente dhe dokumentacioni është zero për fermerët që duan të përfitojnë subvencione. Ata do të skanohen. Janë lehtësuar shumë gjërat. Duhet të marrin informacione sa i takon të gjitha drejtimeve të aplikimeve. Ne kemi këshilluar dhe po punojmë për të forcuar një sistem me furnizimin e inputeve në pikat e grumbullimit. Kjo është hera e parë që bashkohen duart pa kallo të auditorit, me ato me kallo të fermerit. Femëri e ka të domosdoshme që të fitoj dhe e dyta që të ankohet. Ne ankesat i dëgjojmë me filtrin që ka gjithmonë e më shumë për këtë fushë”, tha Rama.
