Kryeministri Edi Rama ka sqaruar edhe një herë se Shqipëria nuk do të pranojë kurrë ngritjen e kampeve të refugjatëve. Në një prononcim për prestigjiozen gjermane ‘Bild’, Rama ka theksuar se Shqipëria do të jetë gjithmonë e gatshme të japë një kontribut, por të drejtë në raport me barrën evropiane.
Ne kurrë nuk do të pranojmë kampe të tilla refugjatësh. Nuk mund të trajtohen si mbetje toksike. Shqipëria do të jetë gjithmonë e gatshme të japë një kontribut të drejtë në raport me barrën evropiane.
Pas nisjes së fluksit të emigrantëve nga Lindja dhe Afrika Veriore drejt Europës, liderët e BE janë duke planifikuar ngritjen e një kampi jashtë Unionit, ndërsa nga mediat është lakuar Shqipëria dhe Kosova. Por autoritetet shqiptare gjithmonë e kanë mohuar një gjë të tillë.
