Lidhja mes shqiptarëve dhe hebrenjve dhe ajo çka është bërë nga Shqipëria në ruajtjen e kujtesës së Holokaustit dhe mbrojtjen e së vërtetës historike është një gur themeli edhe për marrëdhëniet me Shtetet e Bashkuara të Amerikës. Para se t’i dorëzonte kryeministrit Edi Rama, Çmimin për pluralizmin kulturor, i emëruari i Presidentit Trump në krye të Komisionit për Mbrojtjen e Trashëgimisë Amerikane në Botë, Paul Packer i shprehu kreut të qeverisë shqiptare falenderimet në emër të kreut të shtëpisë së Bardhë.
Një nga shembujt më të mirë të kësaj lidhje ishte historia e një prej anëtarëve të komisionit për Mbrojtjen e Trashëgimisë Amerikane në Botë.
Vetë kryeministri Rama foli për të tjera projekte që do të forcojnë dhe ruajnë këtë lidhje mes shqiptarëve dhe Izraelit.
Gjatë qëndrimit të tij në Uashington kryeministri Rama mori pjesë në Konferencën Vjetore të Komitetit Izraelito-Amerikan të Çështjeve Publike, ku foli edhe për krijimin e një qendre kulturore në nder të miqësisë mes dy popujve, si dhe nisjen në verë të një linjë direkte ajrore Izrael-Shqipëri.
