Kryeministri Edi Rama ka prezantuar në Burrel platformën e bashkëqeverisjes me qytetarët. Rama tha duke u regjistruar në platformë, qytetarët kanë mundësi të bëjnë sugjerime, ankesa dhe të bëhen pjesë e bashkëqeverisjes. Ai tha se përmes kësaj platforme administrata është në shërbim të qytetareve.
“Në administratë ka shumë njerëz të mirë, por ka edhe parazitë dhe grabitqarë që i shikojnë njerëzit nga xhepi. I sorollasin njerëzit pafund. Ky është një aplikacion që duke e futur në xhep, fut në xhep qeverinë. Mjafton të hysh në platformë të regjistrohesh dhe menjëherë bëhesh pjesë e bashkëqeverisjes”- tha Rama.
Ai u shpreh me humor se Nard Ndoka nuk ka asgjë më shumë se një fshatar i thjeshtë i Shqipërisë.
“Çfarë ka Nard Ndoka më shumë si deputet më shumë se çdo fshatar tjetër i Shqipërisë? Pse Nard Ndoka merr shërbim direkt për një çështje? Se ai është deputet. Pra çdo qytetar duhet të marrë pushtetin që ka për të influencuar qeverinë. Nuk e kisha me Nardin personalisht, por me fenomenin deputet”- tha Rama.
ERTV Live😊: Burrel – Regjistrohuni në platformën www.shqiperiaqeduam.al 🇦🇱 Shkarkoni aplikacionin në telefononin tuaj dhe jeni online me qeverinë, për çdo ankesë, kërkesë, sugjerim apo çështje në interesin tuaj🤝 Mos humbisni kohë dhe energji duke kërkuar mik për një hall me shtetin, kjo është rruga që qeveria të bëhet miku juaj i drejtëpërdrejtë✌Së bashku, mund të zgjidhim pa humbur kohë probleme e halle të krijuara nga burokracia dhe mund të pastrojmë më shpejt zyrat e shtetit nga parazitët e grabitqarët që marrin frymën e njerëzve të zakonshëm💪
Posted by Edi Rama on Samstag, 11. November 2017
