“Negociatat hapen për Shqipërinë dhe për të gjithë shqiptarët jo për një parti”, këtë ka theksuar kryeministri i vendit Edi Rama nga Brukseli.
Pas zgjedhjes së Kryeprokurores së Përgjithshme të përkohshme Rama është shprehur se në Bruksel në takim me Federica Mogherinin ka folur për reformën në drejtësi dhe hapat që ka ndërmarrë vendi për të çuar më para hapjen e negociatave.
Përfaqësuesja e Lartë për Çështjet e Jashtme, njëkohësisht zëvendëspresidentja e Komisionit Evropian për Politikat e Sigurisë, Federica Mogherini, zhvilloi një takim jozyrtar me kryeministrat e Ballkanit Perëndimor për të diskutuar situatën në rajon dhe për mundësitë për përparimin e rajonit drejt integrimit në Bashkimin Evropian gjatë vitit 2018.
Të pranishëm ishin: Kryeministri i Shqipërisë, Edi Rama, kryetari i Këshillit të Ministrave të Bosnje-Hercegovinës, Denis Zvizdiç, kryeministri i Maqedonisë, Zoran Zaev, kryeministri i Kosovës, Ramush Haradinaj, kryeministri i Malit të Zi, Dushko Markoviç, dhe kryeministrja e Serbisë, Ana Brnabiç, të cilët theksuan vendosmërinë e tyre të plotë për të vazhduar punën për procesin e integrimit drejt Bashkimit Evropian.
Përgatiti: AlpeNews.al
