Kryetari i Partisë së Lirisë, Ilir Meta akuzon kryeministrin Rama se është i lidhur drejtpërdrejt me krimin dhe se komunikon me bandat. Në një deklaratë për mediat nga selia e PL-së, Meta komentoi edhe shkarkimin e Gledis Nanos, për të cilin tha se kjo nuk është shpresëdhënëse.
Ilir Meta: Nuk besoj se ka ndonjë naiv në këtë vend që të vesojë se drejtori i policisë, deri dje apo deri para dy vitesh apo deri para 6 vitesh apo 10 vitesh që nga momenti që Rama u bë kryeministër, pra drejtori dhe performanca e tij ka qenë problemi i rendit publik, i sigurisë, i luftës kundër drogës. Njëkohësisht as edhe ministrat që janë bërë kokë turke pas kokës së turkut dhe situata e rendit ka ardhur duke u përkeqësuar në mënyrë ekstreme, që e dëshmojnë edhe demonstrimet e hapura të forcës së nëntokës që kanë dalë mbi tokë. Përfshirja e segmenteve të policisë, për arsye politike në këtë nxitje “hënkshin kokat me njëri tjetrin” që ka promovuar kryeministri aktual.
Të gjithë e dinë që lidhet e bandave janë të drejtpërdrejta me kryeministrin, me ministrat me kryetaret e grupeve të deputeteve sipas qarqeve. Kjo është arsye që shumë drejtuese në qarqe janë në shërbim të rilindjes vetëm për qëllime korruptive, por që nuk kanë lidhje me zinxhirin komandues të policisë së shtetit. Ndaj askush nuk mund të mashtrohet se një shkarkim si ky i sotmi mund të jetë shpresëdhënës për një përmirësim të funksionimit të policisë dhe integritetit të saj apo të depolitizimimt të këtij institucioni për fat të keq partiak. Është koha që të gjithë llogaridhënien për situatën kriminale për dështimin e rendit publik, për vrasjet që ndodhin në qytetet tona, ta kërkojnë tek njeriu që komunikon drejtpërdrejt me krimin, që e motivon atë, që e ka ndarë Shqipërinë në principata në ndikimin e vetë kriminelëve duke dëmtuar funksionimin e ligjit dhe integritetin e policisë. U Bëj thirrje policisë që të zbatojnë ligjin dhe mos përdoren nga politika, të mos bashkëpunojnë me krimin
