Kryeministri Edi Rama ka vizituar mbrëmjen e sotme qytetin e Fierit, ku ka inspektuar nisjen e punimeve për projektin e qendrës së qytetit si dhe prishjen e dy ndërtesave me shpërthim të kontrollor dy ditë më parë si pjesë e projektit për rehabilitimin e lumit Gjanica.
Në pamjet e siguruara nga “BalkanWeb” kryeministri shihet i shoqëruar nga kryebashkiaku i Fierit Armando Subashi, ndërsa pasi kanë vizituar ambientet e bashkisë kanë zbritur në këmbë në terren për të parë nga afër nisjen e punimeve për qendrën e qytetit.
Sipas projektit, pritet të ndryshojë qendra e qytetit si dhe do zgjerohet harta në të dy anët e lumit Gjanicë.
