Afrimi i Shqipërisë me BE-në dhe korridori ballkanik për refugjatët pritet të jenë pjesë e diskutimeve mes dy shefave të qeverive.
Të mërkurën kryeministri shqiptar Edi Rama do të takohet me kancelarin austriak Sebastian Kurz në Vjenë, informojnë mediat vjeneze. Pjesë e bisedimeve do të jetë mbështetja e reformave në Shqipëri, hapja e negociatave për anëtarësim të Shqipërisë, si dhe jo-zyrtarisht mësohet të diskutohet edhe për refugjatët.
Vizita vjen vetëm pak kohë pas samitit të Sofjes, ndërsa media austriake si “Kurier” citojnë Ramën: “Europa është një religjion për ne” dhe Sebastian Kurz i cili kërkon perspektivë europiane për Ballkanin Perëndimor që të zbehin ndikimin turk në rajon.
