Kryeministri Edi Rama ka vizatuar sot shkollën profesionale Karl Gega në Tiranë, ku ka parë nga afër ndryshimet që ka pësuar ky institucion arsimor. Teksa u njoh me të gjitha risitë që u ofrohen nxënësve që marrin zanate nga më të ndryshmet, kreu i qeverisë nuk i kurseu batutat.
Një e tillë ishte dhe ajo që bëri me ministrin e Financave, ndërsa theksoi se Arben Ahmetajt i kishte lënë motorin pasi vet kishte timonin. “Timonin Arbenit, unë kam timonin. Po e fiku ai motorin, unë ngela veç me timonin. S’ka as frena”, the me humor Rama.
Gjatë xhiros që bëri nëpër shkollë Rama u fut edhe në palestër ku ‘garoi’ me një nga studentët në basketboll, ndërsa arriti të shënonte një pikë në kosh.
Kujtojmë se kryeministri Rama ka një lidhje të fortë me basketbollin, pasi në të shkuarën ka qenë basketbollist.
