Në mungesë të opozitës në sallën e Kuvendit, kryeministri Rama nuk ka kursyer akuzat në adresë të paraardhësit të tij, ish kryeministrit Berisha.
Ndërkohë që opozita vijon protestën me bllokimin e katër akseve rrugore, duke numëruar akuzat e opozitës, kundër oligarkëve, koncesioneve, kullave dhe tullave, Rama ka fajësuar Berishën.
“Saliun nuk ka nevojë ta fajësosh, ai është faji vetë që qëndron mes nesh në sytë e të gjithë shqiptarëve për shumë zullume të ditura dhe të paditura dhe në raport me dy herë mundësi dhe dy herë rrënim, njëherë për historinë e piramidave dhe njëherë të gropës në buxhet. Rreziku ishte të përfundonim më keq se Greqia por nuk përfunduam se bëmë gjënë e duhur”- tha Rama nga foltorja e Kuvendit.
