Për shkak të një defekti në rrjetin elektrik, qyteti i Kukësit mbeti pa energji elektrike. Ndërkohë, edhe rrethinat e Kukësit kishin mbetur në errësirë.
Me një njoftim zyrtar OSHEE bëri me dije se u bë e mundur ndërhyrja në rrjetin elektrik dhe situata është normalizuar.
“Për shkak të defektit në linjën e OST Kalimash-Kukës, ka mbetur pa energji NST Rexhepaj që furnizon me energji qytetin e Kukësit dhe rrethinat e tij. Pas manovrimeve, u bë e mundur vënia në punë e nënstacionit dhe gradualisht po normalizohet situata e furnizimit me energji në të gjtiha zonat e prekura nga defekti”, njoftoi OSHEE.
