Në rubrikën tonë të përditshme “ Spring në Alpe” ju sjellim pamje nga qyteti i Peshkopisë, e konkretisht në bulevardin “Elez Isufi”.
Peshkopia është qendër administrative e rrethit dhe e qarkut të Dibrës.
Blirët janë kënaqësia dhe bukuria më e madhe e qytetit. Kjo shëtitore, ose siç njihet “Bulevardi i Blinave”, është rrugë këmbësore, e gjatë rreth 600 metër e rrethuar me pemë bliri. Në dy anët e këtij bulevardi, janë vendosur institucionet kryesore, baret dhe restorantet, hotelet dhe pjesa tjetër e shërbimeve. Në muajin qershor, kur blinat çelin, ndjehet aroma karakteristike e tyre e cila është tepër e këndshme.
Duhet theksuar se qyteti i Peshkopisë njihet me pemën e blirit, i cili është vendosur në mënyrë simetrike në të dy anët e Bulevardit Kryesor të qytetit.
AlpeNews.al ju sjell pamje nga qyteti i Peshkopisë.
Përgatiti: AlpeNews.al
